Vestlandsrådet

Meir samarbeid på Vestlandet

Vestlandet har ein næringstruktur med felles utfordringar og muligheiter på tvers av fylkegrensene. For å få til meir samarbeid om desse fellestrekka har Vestlandsrådet utarbeidd ein eigen overordna næringsstrategi for landsdelen. Næringsstrategien skal bidra til å sikre rammevilkår for berekraftig vekst, auka sysselsetting og grøn omstilling av næringslivet på Vestlandet. Vestlandsrådet skal sørge for at ord vert omsett til handling gjennom samarbeid og tydelig kommunikasjon om vestlandsfylka sine komparative fortrinn for grønn omstilling og vekst i næringslivet, og ikkje minst vere ein aktiv pådrivar og arbeide for rammevilkår som styrker næringsutviklinga på Vestlandet. Det vidare arbeidet med oppfølginga av næringsstrategien kan du lese om her:

Les meir

Vestlandsrådet er danna for å styrke landsdelen, både nasjonalt og internasjonalt, og utgjer ei politisk kraft som er sterkare enn den dei deltakande fylkeskommunane er kvar for seg. Fylka på Vestlandet har mange felles muligheiter og utfordringar.

Vi kan oppnå meir gjennom å samle kreftene for å utvikle Vestlandet, for å utnytte felles muligheiter og for å løyse våre felles utfordringar. Rådet består av i alt 18 medlemer, og er sett saman av fylkesordførarane, fylkesvaraordførarane og 4 medlemer frå kvar av fylkestinga i Møre og Romsdal, Vestland og Rogaland.